Жаңалықтар

17.03.2017
Азаматтарға арналған үкіметте онлайн сурдоаударма қызметі іске қосылды

«Азаматтарға арналған үкімет» мемлекеттік корпорацияда сөйлеу және есту қабілеті бұзылған азаматтарға мемлекеттік қызметтерді көрсетуде жаңа сервис пайда болды. Енді бұл адамдарға ымдау тілінің кәсіби маманы арнайы қосалқы монитордан шынайы уақыт режимінде сурдоаударма ұсынатын болады. Бұл пилоттық жоба Азаматтарға арналған үкіметтің бастамасымен «Ауған соғысының қазақстандық республикалық мүгедектер бірлестігі» қоғамдық бірлестігімен біріге отырып жүзеге асырылды.
14.03.2017
Зейнетақы капиталын сақтау және көбейту

Бүгінгі таңдағы өзекті тақырыптардың бірі қазақстандықтардың зейнетақы жинақтарының инвестициялық табысы болып отыр. Салымшылардың жеке зейнетақы шоттарына аударатын жарналары сомасындағы табыс Сіз бен біздің зейнетақымыздың жинақтаушы бөлігін құрайды.
09.03.2017
ҰБТ – ның жаңа форматы!

10-шы наурыздан бастап Ұлттық бірыңғай тестілеу тапсыруға өтініш қабылдау басталады. Түлектер мамыр айына дейін ҰБТ тапсыруға бара ма, жоқ па анықтап алуы тиіс. Себебі 10 мамыр күні өтініш қабылдау уақыты аяқталады. Бір емес бірнеше жүздеген, тіпті мыңдаған түлектің болашағын айқындайтын бұл сынаққа биыл үлкен, тың өзгеріс енгізілді.
03.03.2017
2017 жылғы 1 ақпандағы БЖЗҚ негізгі көрсеткіштеріне қысқаша шолу

Алматы, Қазақстан – 2017 жылғы 1 ақпандағы жағдай бойынша зейнетақы жинақтарының жалпы сомасы 6,71 трлн. теңге болды.
2017 жылғы 1 ақпанда шарттардың барлық түрлері бойынша салымшылардың (алушылардың) жеке зейнетақы шоттарының (ЖЗШ) саны 10,04 млн. бірлік, оның ішінде міндетті зейнетақы жарналары (МЗЖ) есебінен 9,58 млн. бірлік болды. Міндетті кәсіптік зейнетақы жарналары бойынша салымшылардың ЖЗШ саны 421,25 мың бірлік, ал ерікті зейнетақы жарналары бойынша 38,99 мың бірлік болды.
23.02.2017
ОБЛЫС ӘКІМІНІҢ ЕСЕБІН ОНЛАЙН ЖҮЙЕСІМЕН ТЫҢДАДЫҚ

Облыс әкімі Бердібек Сапарбаевтың есебін онлайн арқылы тыңдадық. Облыс әкімі өз сөзінде өңіріміздің әлеуметтік -экономикалық даму деңгейін төмендетпей, дағдарысқа қарамай құлдырауға жол бермеу ел Президентінің тапсырмасы екенін, оны іске асыруда жыл бойы істелген жұмыстарды айтты. Оны көзіміз де көрді. Қай салада болмасын қозғалыс, ұмтылыс бар. Аудандық мәдениет үйінде жиналған тұрғындар қала мен барлық аудан тұрғындарының сұрақтары мен оған берілген жауаптардың куәсі болды.
21.02.2017
Құтқарушы мамандығының қажеттілігі және дәрежесі туралы

Ағымдағы жылдың басынан бастап Ойыл ауданының ТЖБ қызметкерлері ҚР ІІМ ТЖК Көкшетау техникалық институтының күндізгі бөліміне оқуға түсуге үміткерлерді тарту мақсатында аудан мектептерінің 9-11 сынып оқушыларына үгіт-насихат және түсіндіру жұмыстарын жүргізді. Оқушыларға Көкшетау техникалық институтына түсу тәртібі түсіндіріліп және Көкшетау техникалық институтының беделі туралы бейнероликтер көрсетілді, сонымен қатар институтқа оқуға түсуге байланысты сауалнамалар толтырылып, анықтамалық бүктемелер таратылды.
20.02.2017
«Ардагерлерді ардақтайық!»

Өткен аптада аудандық аурухана мен «Нұр Отан» партиясы бірлескен түрде тыл ардагерлері арасында «Ардагерлерді ардақтайық» акциясын өткізді. Толығырақ тарқатсақ, Гиппократ антына адал ақ халаттылар тобы аудан орталығында тұратын тыл ардагерлерін аралап, медициналық тексеруден өткізді. Қан қысымын өлшеп, хал-жағдайларын сұрасты.
17.02.2017
Аудандық комиссия отырысы

2016 жылғы 17 ақпан күні Ойыл ауданының әкімі – ауданның табиғи және техногендік сипаттағы төтенше жағдайлардың алдын алу және жою комиссиясының төрайымы Б.Күзембаеваның төрағалық етуімен аудандық табиғи және техногендік сипаттағы төтенше жағдайлардың алдын алу және жою комиссиясының отырысы өтті. Отырысқа комиссия мүшелері, ауылдық округ әкімдері мен АҚ қызметтерінің басшылары қатысты.
17.02.2017
Сапар Сағынтаевтың сапары

Аудандық мәдениет үйінде Ойыл жұртымен кездесуге келген Сапар Сағынтаевты алдымен көзкөрген, бірге қызмет жасаған, бұл күнде ауыздарынын ақ тілек ақтарылатын ақсақалдарымыз күтіп алды. Ресмилікті былай ысырып тастап, нағыз қазақылыққа тән жылы жүзбен ұшырасқан олар төс қағысып, құшақтасып амандасты.
16.02.2017
БЖЗҚ-ның әрбір 4-шы салымшысы электрондық хабарлау тәсілін таңдады

Шамамен 2,6 млн. адам (БЖЗҚ-да 10 млн. жеке зейнетақы шотының бар екенін еске саламыз) электрондық хабарлау тәсілін таңдаған, олардың ішінде 2,4 млн. адам Қордың корпоративтік сайты немесе әртүрлі операциялық жүйелерде жұмыс істейтін смартфондар мен планшеттерге арналған «ENPF» ұялы қосымшасы арқылы өз зейнетақы шотын бақылай алады. Мысалы, 2016 жылы ұялы қосымшаны жүктеу саны 78%-ға артқан, ал 2017 жылғы 1 қаңтарда жүктеу саны 509,7 мыңға жетті.
2017 жылғы 1 қаңтарда «Бірыңғай жинақтаушы зейнетақы жүйесі салымшысының (алушысының) зейнетақы жинақтарының (инвестициялық кірістерін ескере отырып) жай-күйі туралы ақпарат беру» қызметі 2015 жылғы ақпанда қолданысқа енгізілген сәттен бастап электрондық үкімет порталы арқылы салымшылардың (алушылардың) жеке зейнетақы шоттарынан 352 мың үзінді көшірме берілген.
10.02.2017
«ЕҢБЕКПЕН МАЛ ТАБУҒА» ЖАСТАР НЕГЕ ЕНЖАР?

Өткен жұма аудандағы жұмыссыз жүрген жандар үшін өте тиімді болды. Өйткені, бұл күні аудандық мәдениет үйінде бос жұмыс орындарына арналған «жұмыссыздар» жәрмеңкесі өткізілді. Одан кейін аталған шара «Нәтижелі жұмыспен қамтуды және жаппай кәсіпкерлікті дамыту бағдарламасының» іске асырылуы жөніндегі жиналыспен жалғасты.
10.02.2017
Зейнет ақы туралы ақпарат

Зейнет жасына таяп қалған адамдарды, сондай-ақ, зейнетке шыққан зейнеткерлерді зейнетақы есебіндегі жыл сайынғы өзгерістер толғандыратыны сөзсіз.. Сіз үшін бұл қиын ба? Біз сізге осы мәселенің шешімін табуға көмектесеміз. Сол үшін БЖЗҚ-дан зейнетақы төлемдерін ресімдеу мен алу тәртібіне қатысты ең өзекті сауалдарға берілетін жауаптарды Сіздің назарыңызға ұсынамыз.
09.02.2017
Аудан әкімінің жылдық қорытынды есебі.

Ауданға арнайы іссапармен келген облыс әкімі Бердібек Сапарбаев аудандық мәдениет үйінде аудан әкімінің жылдық есебіне қатысты. Алдымен залдағы ауданның даму көрсеткіштерінен мәлімет беретін, жетістіктері мен жоспарлары шоғырланған көрмені аралады.
06.02.2017
Азаматтарға арналған үкімет көрсететін қызметтер саны тағы 53 қызметке артты

Бүгінде Азаматтарға арналған үкімет арқылы 546 мемлекеттік қызмет қолжетімді. Жаңа қызметтердің басым бөлігін Ауыл шаруашылығы, ұлттық экономика министрліктерінің және ҚР инвестициялар және даму министрлігінің қызметтері құрады.
25.01.2017
2017 жылғы 1 қаңтардағы зейнетақы жинақтарының жай-күйі туралы хабарлау

«БЖЗҚ» АҚ 2016 жыл үшін салымшыларға (алушыларға) жыл сайынғы міндетті хабарлау науқанына дайындықты бастады. Жеке зейнетақы шотының (ЖЗШ) жай-күйі туралы ақпарат ақысыз негізде берілетінін, ал ақпарат алу тәсілін салымшының (алушының) өзі белгілейтінін естеріңізге сала кетейік.

Беттер