Жаңалықтар

15.07.2015
САРАЛЖЫН мен КӨПТОҒАЙДАҒЫ АУЫЛ КҮНІ

«Ауыл күні» өткен аптаның соңында Саралжын ауылдық округінде жалғасты. Онда ауданнан барған әр сала мамандары әдеттегідей қоғамдық қабылдаулар өткізіп, ауыл тұрғындарымен ашық-жарқын кездесті. Алдымен округ әкімі Марат Тәжіғалиев ауылдың тыныс-тіршілігіне тоқталып өтті. Тұрғындарға арналған жиын барысында мал азығын дайындау мен мемлекеттік бағдарламалар аясында несие алып, мал басын көбейту, асылдандыру секілді жұмыстарына баса назар аударылды
13.07.2015
Қайыңдыдағы «Ауыл күні»

Атаулы күні ауыл тұрғындарымен өткен кездесуде аудан әкімінің орынбасары Асқар Қазыбаев осындай жиындарда көтерілген мәселелердің кезең-кезеңімен шешіліп жатқанын жеткізіп, ауылдың даму деңгейіне көз жүгіртті.
Жиында көтерілген мәселелерге орай мекеме басшылары түсінік беріп өтті.
10.07.2015
АСТАНА КҮНІ

6 шілде «Астана күні» мерекесі қарсаңында Тәуелсіздіктің 20 жылдығы атындағы орталық саябақта «Астана – Елімнің жүрегі» атты мәдени шара өткен болатын. Шілденің арайлы күнінде шаттық шұғыласына шомылған жұртшылық саябаққа көп жиналды. Мерекеде тұрғындар аудандық мәдениет үйінің әншілері мен мектеп оқушылары өнерін тамашалады.
09.07.2015
Ш.Берсиев атындағы ауылдық округтегі Ауыл күні

Жылдағы қалыптасқан дәстүр бойынша «Ауыл күні» тұрғындарға арналған жиынмен ашылды. Оған аудан әкімінің орынбасары Асқар Қазыбаев қатынасып, ауыл тұрғындарының ұсыныс пікірлерін тыңдап, округте атқарылған біршама жұмыстарға тоқталып өтті.
Округ әкімі Абат Мүбараков ауыл тұрғындарын түйінді мәселелерімен, ой сауалдарын ашық жиында еркін жеткізуге шақырды.Жиынға облыстық жұмыспен қамту және әлеуметтік бағдарламалар басқармасы мамандары Раушан Маратқызы және Қалижан Өтемұратов қатынасып, ауыл тұрғындарының сауалдарына қанағаттанарлық жауап берді.
02.07.2015
Ауыл спортшылары арасындағы жыл сайынғы аудандық жазғы спартакиада

Ауыл жастарының асыға күтетін, дәстүрге айналған ауыл спортшылары арасындағы аудандық жазғы спартакиада өткен аптаның соңында Қайыңды ауылдық округінде болып өтті. Аудан жастарын спортпен белсенді түрде айналысуға тартып, ауыл жастары арасындағы достық қатынасты күшейту мақсатында өткен спартакиада Қазақстан халқы Ассамблеясы мен Қазақстан Республикасы Конституциясының 20 жылдығына арналды.
Спартакиаданың алғашқы күнінде әр ауылдан жиылған спортшылар ауыл саябағында сап түзеп, команда құрамы таныстырылды. Аталмыш доданың ашылу салтанатына аудан әкімінің орынбасары Асқар Қазыбаев пен ауылдық округ әкімдері қатынасып, спортшыларға сәттілік тіледі.
25.06.2015
ТҮЛЕКТЕР КЕШІ

Өткен сенбіде «Тәуелсіздіктің 20 жылдығы» атындағы орталық саябақта «Балалық шақтан - болашаққа» атты «Жас дәурен - 2015» жастар мен мектеп бітіруші түлектер фестивалі өтті.
Фестивальге ата-аналар мен ұстаздар, мектеп оқушылары және жалынды жастар белсене қатынасты.
Алғаш боп сөз алған аудан әкімі Мавр Абдуллин бірқатар түлектерді білімге деген жоғары талпынысы мен шығармашылық жетістіктері үшін марапаттап, алдағы өмірдегі биік белестерді бағындыруға, туған жердің көркеюіне сүбелі үлес қосуларына үлкен сеніммен тілектестік білдіріп, ауданымызда жемісті еңбек етіп жүрген белсенді, спортшы, өнерпаз жас мамандарды алғыс хатпен марапаттады.
25.06.2015
МЕМЛЕКЕТТІК ҚЫЗМЕТШІЛЕР КҮНІ

23 маусымда аудан әкімдігінің мәжіліс залында Қазақстан Республикасының мемлекеттік қызметшілер күніне салтанатты жиналыс ұйымдастырылып өткізілді. Салтанатты жиын Мемлекеттік әнұран орындалып ашылды.
Салтанатты жиында аудан әкімі М.Абдуллин баяндама жасап, қатысушы мемлекеттік қызметшілерді төл мерекесімен құттықтап, 3 мемлекеттік қызметшіге облыс әкімінің , 3 мемлекеттік қызметшіге облыс әкімі аппараты басшысының алғыс хаттарын табыстап, 6 мемлекеттік қызметшіні өзінің алғыс хаттарымен марапаттады.
25.06.2015
Электронды сандық қолтаңба қызмет алудың ең оңай тәсілі

«Электрондық үкімет» порталы арқылы «Жылжымайтын мүлкінің жоқ (бар) екендігі туралы», «Жылжымайтын мүлікке тіркелген құқықтары (ауыртпалықтары) және оның техникалық сипаттамалары туралы» анықтамалар, «Азаматтарға соттылығы бар немесе жоқтығы туралы» «Салымшы қаржысының түсуі және оның қозғалысы туралы» анықтамалар, «Тұрғылықты жерінен мекен-жай анықтамаларын», «Баланы балабақшаға кезекке қою» «18 жасқа дейінгі балалары бар отбасыларға мемлекеттік жәрдемақылар тағайындау» «ЖҚЕ айыппұлдарын төлеу» «Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке алу және кезекке қою, сондай-ақ жергілікті атқарушы органдардың тұрғын үй беру туралы шешім қабылдауы» және тағыда басқа анықтамалар мен қызметтерді әр үйде немес жұмыс орнында интернетке жалғанулы компьютер арқылы алуға болады, осы порталға қосылу үшін сізде өзіңізге арналған электрондық сандық қолтаңба /ЭСҚ/ болуы керек.
23.06.2015
Апостиль- сөзінің заңдылығы

Баршаға мәлім Википедияға сүйенсек, «апостиль» сөзі – құжаттың заңдылығы туралы мәліметтерді толтырудың халықаралық стандартталынған нысаны болып табылады.
«Апостиль» мөртаңбасы тек қана мемлекеттік үлгідегі құжаттардың түпнұсқаларына қойылады. Апостиль 1961 жылы Гаагс конвенциясында қабылданды. Бұл мөртаңба өзге де құжаттарды растауды немесе құжаттарды заңдастыруды қажет етпейді және барлық мемлекеттің - Конвенция қатысушыларының ресми органы болып табылады.
«Қазақстан Республикасы мемлекеттік мұрағатынан және шетелге жіберетін мұрағаттық шығыс құжаттарының көшірмесін және мұрағаттық анықтамаларды апостильге қою» қызметі ақпараттық Комитеті және мұрағаттар Министрлігі көрсетеді.
10.06.2015
ҚР ХҚКО-ларында 35 жаңа қызметтер іске қосылды

Маусым айынан бастап Қазақстандық ХҚКО-ларда пилоттық режимде 35 жаңа қызмет қолжетімді болды. Атап айтқанда, енді халыққа қызмет көрсету орталықтарына салық есептілігін қабылдауға/кері қайтаруға, дара кәсіпкерлерге патент беруге, қорғаншыларға немесе қамқоршыларға жетім балаларды және ата-анасының қамқорлығынсыз қалған балаларды асырап-бағуға жәрдемақы тағайындауға, Қазақстан Республикасына жеке істер бойынша кіруге шақыруларды ресімдеуге және т.б. үшін жүгінуге болады.
09.06.2015
АУДАНДА 6 АЛТЫН

Ұлттық Бірыңғай Тестілеудің кезегі маусымның 6-сы күні Ойылға келді. Аудан бойынша тестілеу пункті болып белгіленген Ойыл қазақ орта мектебінің алды сол күні таңертеңнен қарбаласқа толы болды. Баласын бәйгеге қосқан ата-ана, шәкіртіне үміт артқан ұстаздар мен тілеулес туыстар ауа-райының ерекше ыстығын елер емес. ҰБТ-ге қатысуға тілек білдірген 120 түлекке аудан әкімі Мавр Абдуллин ақ жол тіледі. Белгіленген уақытта сынақ басталды.
04.06.2015
БАЛАЛАРДЫҢ БАЗАРЛЫ КҮНІ

1 маусым – халықаралық балаларды қорғау күні. Осыған орай Жылда тойланып келе жатқан балалар мерекесі биылда «Тәуелсіздіктің 20 жылдығы» атындағы саябақта «Мерекеңмен, бал-бөбек»! атты балаларға арналған мерекелік шарамен ұштасты. Ал, аталмыш шараға қатынасуы жыл сайын артып келеді. Демек, бұл өңірімізде бала санының өсімі артқандығын білдіреді. Әрине қуанышты. «Балалы үй базар» демекші, саябақ іші балалар базарына айналды. Онда бүлдіршіндерге арналған ойыншықтар мен тәтті тағамдар сатылды.
26.05.2015
СОҢҒЫ ҚОҢЫРАУДЫҢ СЫҢҒЫРЫ

Ағымдағы жылғы 25 мамыр- дүйсенбі күні ауданымыздың барлық жалпы білім беретін 24 мектебінде де соңғы қоңырау салтанаты өтті.Соңғы қоңырауға аудан әкімдігінен өкілдер-мекеме басшылары қатынасып, құттықтау сөз сөйледі.Биылғы жылы ауданның мектептерінде 387 оқушы негізгі білім курсын бітірсе, 272 орта мектеп бітіруші түлек үлкен өмірге қанаттанып отыр, олардың 70,0 пайызы Ұлттық Бірыңғай Тестілеуге қатысады.
22.05.2015
ХҚКО-да «Техникалық байқаудың халықаралық сертификатын беру» қызметі көрсетіледі.

Қазіргі таңдағы әлемдік нарықты тауарларды мемлекет арасындағы үнемі ауыстыруға мүмкін емес, жиі тауар айналымсыз елестету қиын. Жүк автокөлік иелерінің біразы автомобильдік тасымалды таңдайды, себебі, автомобильдік транспорт жүктің бүтіндігін қамтамасыз етіп, сонымен қатар, жылдам түрде жеткізіп береді.
12.05.2015
ҰЛЫ ЖЕҢІС – ҰРПАҚҚА ҰРАН БОЛСЫН!

9 мамырда Ұлы Отан соғысындағы Жеңістің 70 жылдығына орай ұйымдастырылған «Ұрпақтар ұмытпайтын Ұлы Жеңіс» атты мәдени көпшілік шараға аудан халқы , мекеме қызметкерлері, білім беру орындары белсене атсалысты.
Ұлы Отан соғысы құрбандарына арналған ескерткіштің алдына жиылған көпшіліктің қатары еңбекке ерте араласып, еліміздің өркендеуімен жас ұрпақтың жарқын болашағы үшін тынымсыз тер төккен тыл ардагерлерімен толықты.
Ата-баба ерлігіне тағзым етіліп ескерткішке гүлшоқтары қойылды.

Беттер