Жаңалықтар

26.01.2018
АУДАН ӘКІМІНІҢ ОЙЫЛ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

29 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Ойыл ауылдық округінде өтті. Сонымен қатар Ойыл ауылдық округінің әкімі Дәурен Бисебаевтың xалық алдындағы есебі мен алға қойған міндеттері жөнінде тыңдалды. Есепті кездесуге облыстан арнайы келген өкіл Ақтөбе облыстық мемлекеттік сатып алу басқармасы басшысының орынбасары Назымгүл Баймағамбетова мен ауданның бюджеттік атқарушы орган басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Көтерілген өзекті мәселелердің бірі - мал бағу мен жеке үйлерден шыққан тұрмыстық қатты қалдықтарды жинау мәселесі болды. Бұл мәселелерге қатысты: 1) мал бағу мәселесі бойынша: қазірден малшы мәселесі шешілу үстінде екендігі; 2) қоқыс жинау мәселесі бойынша: арнайы жеке кәсіпкер өз жұмысын бастап кеткендігі, ендігі келісем деуші тұрғындар келісім-шартқа өзара отыру керектігі түсіндірілді (1 айға 800 теңге төлеу арқылы; 1 айда 4 рет, әр аптаның бейсенбі күндері үйлерден шыққан қоқыстар жиналады). Бұл 2017 жылдың қорытындысы бойынша ауылдық округтердегі аудан әкімінің соңғы есепті кездесуі, ендігі алда аудан басшының аудан xалқы алдындағы қорытынды есебі 1 ақпан күні, аудандық мәдениет үйінде өтетін болады.
24.01.2018
АУДАН ӘКІМІНІҢ КӨПТОҒАЙ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

24 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Көптоғай ауылдық округінде өтті. Сонымен қатар Көптоғай ауылдық округінің әкімі Ерлан Асылбаевтың xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Айта кетсек былтыр осы Көптоғай ауылдық округіне қарасты Шұбарши елді мекенінде облыс әкімі Бердібек Сапарбаевтың қолдауымен жаңа мектеп бой көтерген болатын. Тұрғындар тарапынан түскен ұсыныс-пікірлері тыңдалып, сауалдарына жауап берілді. Айта кетсек: көтерілген өзекті мәселелердің бірі-Сәңкібай бөгетін жөндеу, газ, және де жол мәселесі болып, аудан басшысы бұл өзекті мәселелерге түсінік беріп, назарға алынғандығын айтты. Есепті кездесуді қорытындылаған аудан басшысы округте кәсіпкерлік, ауылшаруашылығы саласын әлі де дамыту керектігін айтып өтті. Әрине кәсіпкерлер көбейсе жұмыссыздар саны азаяды. Есепті кездесуден соң аудан басшысы ауыл тұрғындарына жеке қабылдау жүргізді.
24.01.2018
АУДАН ӘКІМІНІҢ Ш.БЕРСИЕВ АТЫНДАҒЫ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

24 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Ш.Берсиев атындағы ауылдық округінде жалғасты. Сонымен қатар Ш.Берсиев атындағы ауылдық округінің әкімі Нұрзия Ертемированың xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Көтерілген өзекті мәселелердің бірі-газ, жол мәселесі болып, аудан басшысы бұл өзекті мәселелерге түсінік беріп, назарға алынғандығын жеткізді. Жол мәселесі бұл барлық ауылдық округтегі өзекті мәселелердің бірі, аудан басшысы осыған орай Қаратал жолының жобалық сметалық құжаттары жасақталып, қаражаттың бөлінуі облыстық жол басқармасымен бірігіп жұмыстары жүргізілуде екендігін айтты. Есепті кездесуден соң аудан басшысы ауыл xалқын өтініштерімен қабылдады.
24.01.2018
«БЖЗҚ» АҚ салымшылары мен алушыларына ақпарат беру туралы

Бірыңғай жинақтаушы зейнетақы қоры салымшыға (алушыға) оның зейнетақы жинақтарының жай-күйі туралы ақпаратты жылына кемінде бір рет беруге, сондай-ақ кез келген сұрау салынған күнге оның сұрауы бойынша зейнетақы жинақтарының жай-күйі туралы ақпаратты ақы алмай беруге, зейнетақы жинақтары туралы ақпаратқа қолжетімділігінің электрондық және өзге де тәсілдерін қамтамасыз етуге міндетті. Осыған байланысты «БЖЗҚ» АҚ салымшыларға (алушыларға) биыл да жыл сайынғы міндетті ақпарат беру науқанын бастады.
24.01.2018
БЖЗҚ электрондық қызметтері

«БЖЗҚ» АҚ алдында тұрған маңызды міндеттердің бірі – тұрғындарға әлемдік стандарттарға сәйкес сапалы зейнетақы қызметін көрсету. Қор зейнетақы жүйесін одан әрі жетілдіру мақсатында әрбір азаматқа зейнетақы қызметіне тең қолжетімділікті қамтамасыз ету стратегиясын алдына мақсат етіп қойып отыр. Ал оған жету үшін тікелей, қашықтықтан және өзіне-өзі қызмет көрсету жүйелерін дамыту қажет.
24.01.2018
Қазақстандық автожүргізушілер жаңа мүмкіндікке ие болды

Биыл «Азаматтарға арналған үкімет» мемлекеттік корпорациясы Ішкі істер министрлігімен бірге автокөлік иелеріне жаңа мүмкіндік ұсына бастады. Енді көлікке әдемі нөмір алғанда, сандарды ғана емес әріптерді де таңдауға болады.
15 қаңтардан бастап іске қосылған қызметке сәйкес қазақстандық автожүргізушілер мемлекеттік корпорацияның фронт-офистері арқылы симметриялық нөмір белгілерін таңдай алады. Бұл үшін азаматтар мамандандырылған халыққа қызмет көрсету орталықтарында (ХҚО) өтінімдерін рәсімдеп, мемлекеттік алымды төлеулері тиіс.
2014 жылдан бастап автокөлік иелері ел арасында «айна нөмір» деп аталатын симметриялық нөмірлерді сатып алу мүмкіндігіне қол жеткізген еді. Енді азаматтар ақылы түрде сандар мен әріптерді өз қалауынша қиыстырып ала алады. Мысалы, тілек білдірушілер 010, 020, 030, 077, 707 сияқты жоғары сұранысқа ие нөмірлерге 5 700% АЕК көлемінде төлейді, ал осындай таңдаулы сандарға қоса әріптердің де симметриялы болғанын қаласаңыз, оның құны - 11 400% АЕК.2017 жылы жалпы сомасы 1,5 миллиард теңгеге 4500-ден астам таңдаулы нөмір сатылған.
Сондай-ақ, егер азаматтың қалаған нөмірлік белгісі базада болмаса, онда қажетті мемлекеттік алымды төлеп, мамандандырылған ХҚО арқылы тапсырыс беруге болады.
23.01.2018
АУДАН ӘКІМІНІҢ АУЫЛДЫҚ ОКРУГТЕРДЕГІ ЕСЕБІ БАСТАЛДЫ

23 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Сарбие ауылдық округінде бастау алды. Сонымен қатар Сарбие ауылдық округі әкімінің міндетін атқарушы Берік Оразбаевтың тұрғындар алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Айта кетсек: көтерілген өзекті мәселелердің бірі-ауыз су, газ мәселесі. Есеп беруді қорытындылаған аудан басшысы Сарбие ауылдық округінде кәсіпкерлік саласы ақсап тұрғанын, осы саланы дамыту бойынша мемлекеттік бағдарламаларға кәсіпкерлердің қатысуы жеткіліксіздігін айтып өтті. Жаңа жылды жаңа қарқынмен бастауға тапсырма берді.
17.01.2018
Хабарландыру

«Ойыл аудандық ауыл шаруашылығы бөлімі» ММ -і. Қазақстан Республикасы Ауыл шаруашылығы министрінің 2017 жылғы 14 шілдедегі № 295 «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы» бұйрығына сәйкес мал шаруашылығын қолдауға берілетін субсидияларды төлеу үшін Ойыл ауданына қатысты ауыл шаруашылығы тауар өндірушілерінен өтінімдер қабылдайтынын хабарлайды.
Қосымша ақпаратты мына телефон арқылы алуға болады. 8(71332)2-15-51, Ойыл селосы, Көкжар көшесі №69, 2 қабат 218 кабинет.
16.01.2018
Қарттық шақ қазыналы болсын десеңіз...

Адам баласы негізі мектеп жасына дейін және зейнеткерлікке шыққаннан кейін еркіндеу өмір сүреді екен. Одан басқа кезең әрине қарбалас тірлікке толы: мектепке барады, университетте оқиды, жұмыс істейді. Енді мектеп қабырғасында көңіл сүйген өнермен айналысуға мүмкіндік бар (спорт, музыка, би, сурет салу) деп айтуға болады. Студенттік жылдары да сүйікті ісіңмен айналысуға уақыт табылады. Бірақ, жұмыста басқа тірлікке мойын бұруға уақыт табу қиын. Адам бұл кезеңде өзі үшін емес, әйелі, бала-шағасы үшін өмір сүреді. Сананы тұрмыс билейді: «Үй салсам екен, сол үйде бала-шағам аман болып, қарындары тоқ, уайымдары жоқ болып, қатарынан қалмай өмір сүрсе екен», - деп тілейсің. Оның үстіне ата-анаңды, туған-туыстарыңды, дос-жарандарыңды, әріптестеріңді ұмытуға болмайды. Абыройыңды сақтай отырып, барлығымен лайықты қарым-қатынас жасағың келеді. Қолыңнан келсе, қамқор болуға, қолдау көрсетуге дайынсың. Ал өзіңе қарауға, тіпті уақтысында лайықты емделіп алуға да уақыт табылмай жатады. Бітпейтін күнделікті қу тіршілік өзіңді ұмыттырып жібереді... Ал демалыс күндері жаның қалайтын іспен айналысуға уақыт анда-санда табылса табылар, табылмаса ол да жоқ. Осылай өмір шіркін «Сіз бен бізге білінбей» өте береді, өте береді. Сөйтіп жүргенде шашқа ақ кіреді, бел ауырып, балтыр сыздай бастайды... Ал көңілдегі армандар қол жетпес сағымдай болып қала береді.
15.01.2018
ХАБАРЛАНДЫРУ

Ойыл ауданы тұрғындарына діни қатынастар саласында консультациялық және тәжірибелік көмек көрсету жөнінде «Ойыл аудандық ішкі саясат бөлімі» ММ-де «Қауырт желі» қызмет етеді. Осыған байланысты туындаған сұрақтар бойынша Ойыл аудандық ішкі саясат бөлімінің 2- 11-53 телефонына хабарласуға болады. «Ойыл аудандық ішкі саясат бөлімі» ММ
15.01.2018
БАСПАСӨЗ РЕЛИЗІ

Астанада цифрлық және миграциялық ХҚКО ресми түрде ашылды
Бүгін Астанада ҚР Премьер-Министрінің орынбасары Асқар Жұмағалиев, ақпарат және коммуникациялар министрі Дәурен Абаев және миграциялық қызмет комитетінің төрағасы Мұрат Қабденов, Астана қаласы ІІД басшысы Марат Қожаевтың қатысуымен миграциялық және цифрлық халыққа қызмет көрсету орталықтарының ресми ашылу салтанаты өтті.
12.01.2018
ХАБАРЛАНДЫРУ

2018 жылға бекітілген Ойыл ауданының ауылдық округтерінде өтетін халыққа есеп беру кездесуінің Ойыл ауылында өтетін есептік кездесу күні төмендегідей болып өзгерді.
Аудан
қантар
25
бейсенбі
29
дүйсенбі
Ойыл ауданы
Ойыл ауылы, аудандық Мәдениет үйі, сағ.15-00
Ойыл ауданы әкімінің аппараты
11.01.2018
«5 сауал» атты дәстүрлі айдарымызды жалғастыра отырып, сіздердің назарларыңызға келесі ақпаратты ұсынамыз

1.Салымшы (алушы) ЖЗШ-ның жай-күйі туралы ақпаратты қандай жиілікпен ала алады?
БЖЗҚ салымшыға (алушыға) оның зейнетақы жинақтары туралы ақпаратты кем дегенде жылына бір рет, сондай-ақ оның сұрауы бойынша кез-келген күні, төлемақы ұстамай, яғни тегін беруі тиіс. Сонымен қатар, оның зейнетақы жинақтары туралы ақпаратқа электрондық және басқа да хабарландыру әдістеріне қолжетімділігін қамтамасыз етуге міндетті.
05.01.2018
«Азаматтарға арналған үкіметтің» төрағасы бірінші «проактивті» балаға туу туралы куәлік табыс етті

Мемлекеттік қызметтерді проактивті принцип бойынша алған алғашқы қазақстандық Астана қаласының тұрғыны Роза Айнабекова болды. Оның нәрестесі Айымға туу туралы куәлігін мемлекеттік корпорацияның басқарма төрағасы Абылайхан Оспанов табыс етті.
04.01.2018
Бүгін қазақстандықтар алғашқы рет мемлекеттік қызметке проактивті тәсілмен қол жеткізді

Бүгін «Азаматтарға арналған үкімет» мемлекеттік корпорациясы «Ұлттық ақпараттық технологиялар» АҚ бірге бала туған ата-аналарға көрсетілетін қызметтердің проактивті әдісі бойынша пилоттық жобаны іске қосты.
Енді ақпараттық жүйелердің бірігуінің арқасында жаңа туған азаматты тіркеу бойынша өтініш автоматты түрде келетін болады. Бала өмірге келісімен оның ата-анасына SMS-хабарлама арқылы құттықтау келіп, сәбиді тіркеу бойынша мемлекеттік қызметті алу ұсынысы жасалады.
Электрондық үкімет порталы барлық мәліметтерді түрлі мемлекеттік органдардың ақпараттық жүйелерінен жинап, ал өзге деректерді SMS хабарлама арқылы ата-анадан сұрайды.

Беттер