Жаңалықтар

08.02.2018
Салық төлеушілер назарына!!! Барлығыңызды семинарға қатысуға шақырамыз

Ойыл ауданы бойынша мемлекеттік кірістер басқармасы келесі ақпаратты жеткізеді, 2018 жылдың 12 ақпаны сағат 10-00 де Ақтөбе Облысы бойынша Мемлекеттік кірістер департаментінің қызметкерлері жаңа Салық кодексінің нормаларын түсіндіру жөнінде семинар өткізеді:
Семинар өтетін орын: Ойыл селосы, Шернияз көшесі 26 үй, Тәуелсіздіктің 20 жылдығы атындағы мәдениет және демалыс орталығы" МКК
08.02.2018
«Электронды үкімет» веб порталын дұрыс қолдануды үйрету

Электронды мемлекеттік қызметтердің әйгілігін арттыру мақсатында Ойыл ауданының елді мекендерінде тұрғындар арасында сонымен қатар, мүмкіндіктері шектеулі азаматтар арасында электрондық-цифрлық қолтаңбаларды алу, «Электронды үкімет» порталымен жұмыс жасау, оны пайдалануды үйрету бойынша Ойыл аудандық әкімдігімен «ХҚКО» департаментінің Ойыл аудандық бөлімімен бірлескен 2018 жылдың 1 тоқсанына арналған іс-шара кестесі келісілді. Бекітілген кестеге сәйкес ағымдағы жылдың 6 ақпанында аудан әкімі аппаратының мемлекеттік қызметтер көрсету мәселелерін үйлестіру бөлімі және ХҚКО мамандары Ойыл аграрлық колледжінің 4 курс студенттеріне оқыту жүргізді. Аталған іс-шарада «Электронды үкімет» веб порталы арқылы көрсетілетін қызметтер, түрлі анықтамаларды қалай алу жолдары түсіндірілді . Қазіргі таңда колледж ғимаратында электронды өзіне –өзі қызмет көрсету орыны жасақталып, ақпараттық брошюралар таратылып, әр студент өзіне керекті анықтамалар алып нәтижесін көруде.
05.02.2018
АУДАН ӘКІМІ ҚАРАОЙ АУЫЛДЫҚ ОКРУГІ ӘКІМІНІҢ ЖҰМЫСЫНА ОҢ БАҒАСЫН БЕРДІ

23 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Қараой ауылдық округінде жалғасын тапты. Сонымен қатар Қараой ауылдық округінің әкімі Сәкен Займолдиннің xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Айта кетсек: көтерілген өзекті мәселелердің бірі-газ, интернет және де Ойылмен екіортадағы жол мәселесі болып, аудан басшысы бұл өзекті мәселелерге түсінік беріп өтті. Есепті кездесуді қорытындылаған аудан басшысы ауыл әкімінің атқарған өткен жылғы атқарған жұмыстарына оң бағасын беріп, басқа да ауылдық округ әкімдеріне Қараой әкімін үлгі етіп айтып жүретінін айта кетті. Бұған себеп: баршаға мүмкін мәлім болар... Қараой ауылдық округінде тың өзгерістер орын алып жатқандығы. Айта кетсек: "Туған жер" форумын алғашқы болып бастаған осы округ болатын. Форум барысында жер-жерден келген барша қараойлықтар жыл-жыл бойынша қаражаттай, заттай ауылдың көркеюіне біршама үлестерін қосты. Сонымен қатар санитарлық тазалық жұмыстары да қарқынды жүруде, яғни ауыл сыртынан тұрмыстық қатты қалдықтарға (күл-қоқыс) арналған арнайы орын белгіленді. Кәсіпкерлік саласы да қарқынды дамып келеді. Бұл әрине ауыл әкімін қолдаған осындай ауызбіршілікті xалқының арқасы. Ауыл тұрғындарының ауыл әкіміне деген ризашылықтарына куә болған аудан басшысы осындай қарқында жұмысты жалғастырып, жаңа жылда жаңа қарқынмен тың идеялар күтетінін жеткізді.
01.02.2018
АУДАН ӘКІМІНІҢ АУДАН ХАЛҚЫ АЛДЫНДА ҚОРЫТЫНДЫ ЕСЕПТІ КЕЗДЕСУІ ӨТТІ

1 ақпан күні аудандық мәдениет үйінде аудан әкімі Бұлбұл Бисембайқызы Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша қорытынды есепті кездесуі облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Байдәулетұлы Аққұлдың қатынасуымен өтті.Сонымен қатар есепті кездесуге облыстық іскер әйелдер қауымдастығының мүшелері қатынасты. Есепті кездесу барысында тұрғындар тарапынан түскен ұсыныс-пікірлері тыңдалып, сауалдарына жауап беріліп, аудан басшысы барлығы назарға алынатындығын айтып өтті. Тұрғындар тарапынан көтерілген мәселелердің негізі ауылдық округтер бойынша болды: газ тарту мәселесі, жол, интернет, ауыз су т.с.с. Тұрғындар атынан сөз алған ауыл ақсақалдары аудан әкімінің 2017 жылда атқарған жұмыстарына оң бағасын беріп, 2018 жылда жақсы бастамалар күтетіндіктерін жеткізді.
30.01.2018
«Баланың туылуы» проактивті қызметі

Ауданымызда мемлекеттік қызмет көрсетудің проактивті әдісі іске асырыла бастады. Аудан орталығында мемлекеттік қызмет көрсетуді проактивті тәсілмен ұсыну пилоттық жобасы аясында жаңа туған нәрестелерге туу туралы куәлік табыс етіледі. Алғашқы болып аталған тәсілмен қызмет алушы аудан тұрғыны Шегирова Индира Маратовнаға туу туралы куәлікті аудандық Мәдениет және тілдерді дамыту бөлімі және Халыққа қызмет көрсету орталығының қызметкерлері табыс етті. Қызмет туралы айта кетсек, жаңа босанған анағы автоматты түрде оның сәбиіне беретін аты-жөні сұратылған хабарлама келеді. Басқа мәліметтерді тіркеуші орган тиісті ақпараттық жүйелерден жинап, ал өзге деректерді SMS хабарлама арқылы ата-анадан сұрайды. Сондай-ақ, телефон арқылы шот нөмірін жіберіп, жәрдемақыларды рәсімдеуге және балабақшаларға кезекке қоюға болады. Ал халыққа қызмет көрсету орталығына баланың куәлігін алып кету үшін ғана келу керек немесе үйге жеткізу қызметін пайдалануға болады. Проактивті қызметке қол жеткізу үшін мобильді азаматтар базасына тіркелу қажет. Ол үшін азаматтар порталдағы жеке кабинетінде телефон нөмірін және сәйкестендіре нөміріне байланыстырап қоюлары тиіс.
30.01.2018
ҰБТ - түлектерге қорқыныш тудырмауы тиіс.

Ұлттық бірыңғай тестілеу дегеніміз жоғары оқу орнына түсу үшін талапкерлерге арналған сынақ. Ағымдағы жылы ҰБТ форматы дәл өткен жылдағыдай, еш өзгеріссіз қала бермек. 2017 жылы қоғам арасында үлкен пікірталас туғызған жаңа форматтағы ҰБТ өз деңгейінде өтті. Ал енді ағымдағы формат бойынша ҰБТ 20 маусым мен 1-ші шілде аралағында аудан орталығындағы Ойыл қазақ орта мектебінің базасындағы 844 ҰБТӨП-те өткізіледі.
26.01.2018
АУДАН ӘКІМІНІҢ ҚАЙЫҢДЫ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

26 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Қайыңды ауылдық округінде жалғасты. Сонымен қатар Қайыңды ауылдық округінің әкімі Молдашқали Қазмұxановтың xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық мемлекеттік сатып алу басқармасы басшысының орынбасары Назымгүл Баймағамбетова мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Көтерілген өзекті мәселелердің бірі-газ, жол мәселесі болып, аудан басшысы бұл өзекті мәселелерге толықтай түсінік беріп өтіп, назарға алынғандығын жеткізді.
26.01.2018
АУДАН ӘКІМІНІҢ САРАЛЖЫН АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

26 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Саралжын ауылдық округінде өтті. Сонымен қатар Саралжын ауылдық округінің әкімі Абат Мүбараковтың xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық мемлекеттік сатып алу басқармасы басшысының орынбасары Назымгүл Баймағамбетова мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Көтерілген өзекті мәселелердің бірі-газ және де Ойыл өзені арналарын тазарту болып, аудан басшысы бұл өзекті мәселелерге толықтай түсінік беріп өтіп, назарға алынғандығын жеткізді
26.01.2018
АУДАН ӘКІМІНІҢ ОЙЫЛ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

29 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Ойыл ауылдық округінде өтті. Сонымен қатар Ойыл ауылдық округінің әкімі Дәурен Бисебаевтың xалық алдындағы есебі мен алға қойған міндеттері жөнінде тыңдалды. Есепті кездесуге облыстан арнайы келген өкіл Ақтөбе облыстық мемлекеттік сатып алу басқармасы басшысының орынбасары Назымгүл Баймағамбетова мен ауданның бюджеттік атқарушы орган басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Көтерілген өзекті мәселелердің бірі - мал бағу мен жеке үйлерден шыққан тұрмыстық қатты қалдықтарды жинау мәселесі болды. Бұл мәселелерге қатысты: 1) мал бағу мәселесі бойынша: қазірден малшы мәселесі шешілу үстінде екендігі; 2) қоқыс жинау мәселесі бойынша: арнайы жеке кәсіпкер өз жұмысын бастап кеткендігі, ендігі келісем деуші тұрғындар келісім-шартқа өзара отыру керектігі түсіндірілді (1 айға 800 теңге төлеу арқылы; 1 айда 4 рет, әр аптаның бейсенбі күндері үйлерден шыққан қоқыстар жиналады). Бұл 2017 жылдың қорытындысы бойынша ауылдық округтердегі аудан әкімінің соңғы есепті кездесуі, ендігі алда аудан басшының аудан xалқы алдындағы қорытынды есебі 1 ақпан күні, аудандық мәдениет үйінде өтетін болады.
24.01.2018
АУДАН ӘКІМІНІҢ КӨПТОҒАЙ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

24 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Көптоғай ауылдық округінде өтті. Сонымен қатар Көптоғай ауылдық округінің әкімі Ерлан Асылбаевтың xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Айта кетсек былтыр осы Көптоғай ауылдық округіне қарасты Шұбарши елді мекенінде облыс әкімі Бердібек Сапарбаевтың қолдауымен жаңа мектеп бой көтерген болатын. Тұрғындар тарапынан түскен ұсыныс-пікірлері тыңдалып, сауалдарына жауап берілді. Айта кетсек: көтерілген өзекті мәселелердің бірі-Сәңкібай бөгетін жөндеу, газ, және де жол мәселесі болып, аудан басшысы бұл өзекті мәселелерге түсінік беріп, назарға алынғандығын айтты. Есепті кездесуді қорытындылаған аудан басшысы округте кәсіпкерлік, ауылшаруашылығы саласын әлі де дамыту керектігін айтып өтті. Әрине кәсіпкерлер көбейсе жұмыссыздар саны азаяды. Есепті кездесуден соң аудан басшысы ауыл тұрғындарына жеке қабылдау жүргізді.
24.01.2018
АУДАН ӘКІМІНІҢ Ш.БЕРСИЕВ АТЫНДАҒЫ АУЫЛДЫҚ ОКРУГІ ХАЛҚЫ АЛДЫНДА ЕСЕПТІ КЕЗДЕСУІ ӨТТІ

24 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Ш.Берсиев атындағы ауылдық округінде жалғасты. Сонымен қатар Ш.Берсиев атындағы ауылдық округінің әкімі Нұрзия Ертемированың xалық алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Көтерілген өзекті мәселелердің бірі-газ, жол мәселесі болып, аудан басшысы бұл өзекті мәселелерге түсінік беріп, назарға алынғандығын жеткізді. Жол мәселесі бұл барлық ауылдық округтегі өзекті мәселелердің бірі, аудан басшысы осыған орай Қаратал жолының жобалық сметалық құжаттары жасақталып, қаражаттың бөлінуі облыстық жол басқармасымен бірігіп жұмыстары жүргізілуде екендігін айтты. Есепті кездесуден соң аудан басшысы ауыл xалқын өтініштерімен қабылдады.
24.01.2018
«БЖЗҚ» АҚ салымшылары мен алушыларына ақпарат беру туралы

Бірыңғай жинақтаушы зейнетақы қоры салымшыға (алушыға) оның зейнетақы жинақтарының жай-күйі туралы ақпаратты жылына кемінде бір рет беруге, сондай-ақ кез келген сұрау салынған күнге оның сұрауы бойынша зейнетақы жинақтарының жай-күйі туралы ақпаратты ақы алмай беруге, зейнетақы жинақтары туралы ақпаратқа қолжетімділігінің электрондық және өзге де тәсілдерін қамтамасыз етуге міндетті. Осыған байланысты «БЖЗҚ» АҚ салымшыларға (алушыларға) биыл да жыл сайынғы міндетті ақпарат беру науқанын бастады.
24.01.2018
БЖЗҚ электрондық қызметтері

«БЖЗҚ» АҚ алдында тұрған маңызды міндеттердің бірі – тұрғындарға әлемдік стандарттарға сәйкес сапалы зейнетақы қызметін көрсету. Қор зейнетақы жүйесін одан әрі жетілдіру мақсатында әрбір азаматқа зейнетақы қызметіне тең қолжетімділікті қамтамасыз ету стратегиясын алдына мақсат етіп қойып отыр. Ал оған жету үшін тікелей, қашықтықтан және өзіне-өзі қызмет көрсету жүйелерін дамыту қажет.
24.01.2018
Қазақстандық автожүргізушілер жаңа мүмкіндікке ие болды

Биыл «Азаматтарға арналған үкімет» мемлекеттік корпорациясы Ішкі істер министрлігімен бірге автокөлік иелеріне жаңа мүмкіндік ұсына бастады. Енді көлікке әдемі нөмір алғанда, сандарды ғана емес әріптерді де таңдауға болады.
15 қаңтардан бастап іске қосылған қызметке сәйкес қазақстандық автожүргізушілер мемлекеттік корпорацияның фронт-офистері арқылы симметриялық нөмір белгілерін таңдай алады. Бұл үшін азаматтар мамандандырылған халыққа қызмет көрсету орталықтарында (ХҚО) өтінімдерін рәсімдеп, мемлекеттік алымды төлеулері тиіс.
2014 жылдан бастап автокөлік иелері ел арасында «айна нөмір» деп аталатын симметриялық нөмірлерді сатып алу мүмкіндігіне қол жеткізген еді. Енді азаматтар ақылы түрде сандар мен әріптерді өз қалауынша қиыстырып ала алады. Мысалы, тілек білдірушілер 010, 020, 030, 077, 707 сияқты жоғары сұранысқа ие нөмірлерге 5 700% АЕК көлемінде төлейді, ал осындай таңдаулы сандарға қоса әріптердің де симметриялы болғанын қаласаңыз, оның құны - 11 400% АЕК.2017 жылы жалпы сомасы 1,5 миллиард теңгеге 4500-ден астам таңдаулы нөмір сатылған.
Сондай-ақ, егер азаматтың қалаған нөмірлік белгісі базада болмаса, онда қажетті мемлекеттік алымды төлеп, мамандандырылған ХҚО арқылы тапсырыс беруге болады.
23.01.2018
АУДАН ӘКІМІНІҢ АУЫЛДЫҚ ОКРУГТЕРДЕГІ ЕСЕБІ БАСТАЛДЫ

23 қаңтар күні аудан әкімі Бұлбұл Күзембаеваның ауданның 2017 жылдағы әлеуметтік-экономикалық дамуы мен 2018 жылға алға қойылған міндеттері бойынша есепті кездесуі Сарбие ауылдық округінде бастау алды. Сонымен қатар Сарбие ауылдық округі әкімінің міндетін атқарушы Берік Оразбаевтың тұрғындар алдындағы есебі тыңдалды. Есепті кездесуге облыстан арнайы келген өкіл Ақтөбе облыстық табиғи ресурстар және табиғат пайдалануды реттеу басқармасының басшысы Нұржан Аққұл мен ауданның бірқатар мекеме басшылары қатынасты. Тұрғындар тарапынан түскен ұсыныс-пікірлері тыңдалып, сауалдарына жауап берілді. Айта кетсек: көтерілген өзекті мәселелердің бірі-ауыз су, газ мәселесі. Есеп беруді қорытындылаған аудан басшысы Сарбие ауылдық округінде кәсіпкерлік саласы ақсап тұрғанын, осы саланы дамыту бойынша мемлекеттік бағдарламаларға кәсіпкерлердің қатысуы жеткіліксіздігін айтып өтті. Жаңа жылды жаңа қарқынмен бастауға тапсырма берді.

Беттер